Book Description

महारांचे अस्तित्व १ जानेवारी १८१८ कोरेगाव भिमा अस्मितेच्या लढाईचे वास्तव ही पुस्तिका वाचकांच्या हाती ठेवताना एक गोष्ट प्रामुख्याने नमुद करणे अतिशय गौरवास्पद ठरेल, व विवेक बनसोडे यांना कुठल्याही लिखाण कार्याचा अनुभव नसताना स्वतः हा जयस्तंभ नियोजन कार्यक्रमात सक्रिय सहभाग असण्याचा स्वाभिमान बाळगुन नेतृत्वच्या भुमिकेतुन भिमा कोरेगाव या ऐतिहासिक लढाईचा खरा ईतिहास व वास्तव या पुस्तकेच्या माध्यमातून मांडण्याचा प्रयत्न केला आहे. चुकीचा इतिहास मांडण्याचे षडयंत्र हाणून पाडण्यासाठी, भिमाकोरेगाव च्या लढ्याबाबत अपप्रचाराची सुरु असलेली कोल्हेकुई उघड करत समाजापुढे या शौर्याचे वास्तव पुराव्यानिशी मांडण्यासाठी १६ वर्षाचे संशोधन कार्य या पुस्तकाच्या माध्यमातून त्यांनी पूर्ण केले आहे. महामानव डॉ. बाबासाहेब आंबेडकरांनी आपल्या अनुयायांना तुम्ही शूरविरांची संतान आहात. ही गोष्ट काल्पनिक नव्हे, भिमा कोरेगावला जाऊन बघा. तुमच्या पुर्वजांची नावे तेथील विजय स्तंभावर कोरलेली आहेत, की तुम्ही भेडबकरीची संतान नसून सिंहाचे छावे आहात हे निदर्शनास आणून दिले. या विधानाला पुष्टी देणारी महत्वपुर्ण माहिती नागवंशिय बौद्ध महार ते दिल्लीच्यागादीवरचा महार सुलतान, या प्रकरणात लेखकाने दिली आहे. महारांच्या शौर्याची अनेक उदाहरणे दाखल्यासह या पुस्तिकेत नमुद केले असल्याने भिमाकोरेगाव युद्धाबाबत उठलेल्या अप्रचाराचा समाचार घेण्यास उपयुक्त ठरणार आहे. मराठ्याच्या विरोधात महार लढले असा अप्रचार हाणून पाडण्याचे हुकुमी शस हि पुस्तिका ठरेल असा प्रयत्न लेखकाने केला आहे. महार कोणत्या दर्जाचा लढवय्या होता है आपणास शिवकालिन महारांचे शौर्य व महार रेजिमेंटची कामगिरी ते कोरेगाव भिमाच्या निर्णायक लढाईचे वास्तव यात वाचण्यास मिळेल.